לויט אַן אינטערעסאַנטער שטודיע פֿון פֿינלאַנד, פּובליקירט די וואָך, זענען געוויסע סאָרטן פֿיזישע געניטונגען אַ סך מער עפֿעקטיוו בײַם פֿאַרשטאַרקן די מוח־פֿונקציעס ווי אַנדערע.
די פֿאָרשער האָבן פֿאַרגליכן די נעווראָלאָגישע ווירקונג פֿון דרײַ מינים געניטונגען: 1) לויפֿן, 2) הייבן געוויכטן און 3) אַ געמיש פֿון לויפֿן זייער גיך און מעסיק־גיך (interval training, בלע״ז). דער איבערראַשנדיקער אויספֿיר איז, אַז די אויסמאַטערנדיקע געניטונגען זענען נישט דווקא דער בעסטער מיטל פֿאַר אַ געזונטן מוח.
די פֿאָרשער האָבן אַ גרויסער צאָל מענער־שטשורן אײַנגעשפּריצט אַ סובסטאַנץ, וואָס ווײַזט, וווּ עס קומען אויף נײַע מוח־קעמערלעך. בײַ אַ טייל פֿון די שטשורן האָט מען אַרײַנגעשטעלט אין שטײַג אַ לויפֿנדיקע ראָד, וווּ זיי האָבן געקאָנט לויפֿן. ס׳רובֿ פֿון זיי זענען יעדן טאָג געלאָפֿן עטלעכע מײַל בײַ אַ געמעסיקטער גיכקייט (נישט צו גיך אָדער צו פּאַמעלעך).
אַ צווייטע גרופּע האָט „געהויבן געוויכטן‟, דורכן קריכן אויף אַ וואַנט, טראָגנדיק קליינטשיקע געוויכטן, וואָס מע האָט געהאַט צוגעבונדן צו זייערע עקן.
Read more: http://blogs.yiddish.forward.com/no-place-like-home/195210/physical-exercises-for-the-brain/
