די קרובֿים פֿונעם פֿאַרשטאָרבענעם פּויליש־ייִדישן מוזיקער וולאַדיסלאַוו שפּילמאַן, וועמענס לעבנס־געשיכטע מע האָט געשילדערט אינעם באַקאַנטן פֿילם „דער פּיאַניסט‟, האָט געוווּנען אַ יורידישן אָנקלאָג קעגן דער מחברטע און פֿאַרלעגער פֿון אַ בוך וואָס טענהט, אַז ער האָט קאָלאַבאָרירט מיט די נאַציס.
לויט אַ באַריכט פֿון דער נײַעס־אַגענטור Agence France Presse, האָבן די אַלמנה און זון פֿון וולאַדיסלאַוו שפּילמאַן מאָנטיק אַנאָנסירט, אַז זיי האָבן געוווּנען זייער אָנקלאָג קעגן דער מחברטע פֿון אַ ביאָגראַפֿיע וועגן דער פּויליש־ייִדישער זינגערין ווירע גראַן. אין דער ביאָגראַפֿיע האָט די מחברטע, אַגאַטאַ טושינסקאַ, געטענהט, אַז שפּילמאַן האָט קאָלאַבאָרירט מיט די נאַציס. גראַן, מיט וועמען שפּילמאַן האָט אַמאָל געשפּילט, ווערט יאָרן־לאַנג באַטראַכט ווי אַ מעגלעכע נאַצי־קאָלאַבאָראַטאָרין.
אין 2013 האָט דאָס וואַרשעווער אַפּעליר־געריכט בטל געמאַכט אַ פּסק־דין פֿון אַן אַנדער געריכט וואָס האָט געהאַלטן, אַז דער מחברטעס טענה ווערט באַשיצט אַ דאַנק איר רעכט צו וואָרט־פֿרײַהייט.
[…]
Read more: http://yiddish.forward.com/articles/198477/the-pianist-was-not-a-nazi-collaborator/#ixzz4GNWQRvF1
