במשך פֿון עטלעכע וואָכן פֿאַר די וואַלן, האָבן די אויספֿרעגן פֿון דער ישׂראלדיקער באַפֿעלקערונג כּסדר אָנגעוויזן, אַז די „ציוניסטישע מחנה‟, בראָש מיט יצחק הערצאָג, איז מער פּאָפּולער, ווי בנימין נתניהוס „ליכּוד‟. למעשׂה, האָט זיך אָבער באַקומען, אַז נתניהו האָט צום סוף טאַקע געוווּנען.
לויט דעם סך־הכּלדיקן חשבון פֿון 99 פּראָצענט שטימען, האָט „ליכּוד‟ געוווּנען 30 ערטער — פּונקט אַ פֿערטל — אין דער כּנסת. הערצאָגס „ציוניסטישע מחנה‟ האָט געוווּנען 14 ערטער. ווען די וואַלן האָבן זיך אָנגעהויבן, האָט די ישׂראלדיקע טעלעוויזיע איבערגעגעבן, אַז די צוויי קאָנקורענטן בלײַבן מער אָדער ווייניקער אויפֿן זעלבן אָרט. שפּעטער, האָט נתניהו אָבער איבערגעראַשט דאָס לאַנד מיט זײַן פּלוצעמדיקן נצחון.
נתניהו קלײַבט איצט צו שאַפֿן אַ „נאַטירלעכע‟ קאָאַליציע מיט די אַנדערע רעכטע און רעליזיעזע פּאַרטייען, ווי אויך מיט דער צענטריסטיש־רעכטער פּאַרטיי „כּולנו‟. בסך־הכּל, וועט זײַן בלאָק פֿאַרנעמען 57 ערטער אינעם פּאַרלאַמענט.
[…]
Read more: http://yiddish.forward.com/articles/186219/clear-victory-for-netanyahu/#ixzz3UrghasCp
