א פארווירקלעכטער טרוים: יידישער קולטור-אינסטיטוט געגרינדעט!
,דער יידישער קולטור-אינסטיטוט’, א נייע צדקה-ארגאניזאציע צום פרעזערווירן די ידיישע קולטור, איז געגרינדעט געווארן היינטיקע וואך אונטער דער פאן פון,דער מאמענט’.
די כלל- און קולטור-טוער צוזאמען מיט עטלעכע בעלי-צדקה האבן בדעה איינצוקויפן אין מאנהאטן א געביידע מיט א ביורא, סאלאן, צושויער-זאל/טעאטער, ביבליאטעק, ביכער-געוועלב, רעסטאראן און האטעל-צימערן. די שטרעבונג פון דער ארגאניזאציע איז ווידער אויפצולעבן די יידישע קולטור מיט כלערליי לעקציעס, סעמינארן, ליטעראטור- און טאנץ-אוונטן, פארשטעלונגען וכדומה.
וועגן מער אינפארמאציע שרייבט צו אונזער פארשטייער אויף yiddishmoment@yiddishmoment.com, אכטונג: ד”ר שמחה עקלשטיין.
