אין סאמע צענטער פון גענעטישע פארשונגען שטייט דער נעאנדערטאלער, נאר ווייל ער שטעלט אונז צו וועגן זיך אליין אינפארמאציע. דער גענעטישער שטאף פון נעאנדערטאלער איז אבער, צום באדויערן, אין א שרעקלעכן צושטאנד. ווען וויסנשאפטלער אנאליזירן דעם גענעטישן קאדעקס אין נעאנדערטאלער-ביינער זעען זיי נאר באקטעריען-שימל. ס’לאזט זיך אבער אויס, אז ס’איז פאראן א מין חיה מיט א פיין-פרעזערווירטן גענע-שטאף: דער מאמאנט. דער פראיעקט צו באשטימען ביי מאמוטן די באשטאנדטיילן און ארדענונג פון גענעטישן קאדעקס קומט איצט צו א דערפאלגרייכן סוף.
א היפשע צאל מאמוטן אין א גוט-פרעזערווירטן צושטאנדזיינען אנטדעקט געווארן בשעת די לעצטע יארן אין פערמאנענטן פראסט-באדן. טראץ דעם, וואס דער גענע-שטאף איז א ביסעלע באשעדיקט פון די פארפרירונגס- און שמעלץ-פראצעסן איז דער קאדעקס ביי די מאמאנטן אין א פיל-בעסערן צושטאנד ווי אין אנדערע ביינער, וואס זיינען געלעגן באגראבן א סך לענגער אין פערמא-פראסט. דער אנדערער בעניפיט פון נוצן גענעטישן מאמוט-מאטעריאל איז, וואס די פארשער קאנען אפרייניקן די פארשמוצונג.
דער ענדגילטיקער רעזולטאט איז: פון די פיר “גיגאס” (ריזיקע גענע-שטיקער) אין א גוטן צושטאנד, וואס די אויטארן פונעם פארש-ווערק אין זשורנאל “נאטור” האבן אנאליזירט, 80% קומען פון מאמאנטן. א גיגא איז גרעסער פון א מענטשלעכער גענע. גענעטיקער שאצן-אפ, אז זיי האבן שוין רעקארדירט די באשטאנדטיילן און זייער ארדענונג פון 70% פון גענעטישן מאמאנט שטאף.
די גענעטישע פארגלייכן מיטן העלפאנד-כראמאסאמען און זייער צוזאמענלייג האט גארניט איבערראשט די מעדיצינישע פארשער. מאמוטן און העלפאנדן שטאמען-אפ פון זעלבן מין בא שעפעניש אין ווייטן פארצייטנס. דער העלפאנד-גענאם-אנאליז איז שוין האלב-געענדיקט. דער מאמאנט און העלפאנד האבן צווישן זיך א קלענערן אונטערשיד ווי מענשן און מאלפעס. ס’זיינען דא וויכטיקע חילוקים ביי געוויסע פראטעין-גענעס, אבער ס’איז שווער אויסצופארשן אט-די טעמע אן א גאנצער פארשטענדעניש וועגן גענעטישן צוזאמענלייג ביי העלפאנדן.
די רעזולטאטן מאכן קלאר, אז מיט נאך א קליינער סומע געלט און א ביסל מער צייט וועלן מעדיצינישע אויספארשער שוין באלד זיך דערוויסן פון דער גענע-ארדענונג אין גענאם פון אן אויסגעשטארבענעם זגאל. מחמת דעם, וואס דער גענאם איז דער בוי-פלאן פון אן ארגאניזם, פארשט “נאטור” אליין אויס די מעטאדן ווי אזוי צו באשאפן א מאמאנט לויטן גענעטישן בוי-פלאן און וויפיל אזא פראיקעט וועט אפשר קאסטן. די אונטערנעמונג וואלט געווען ריזיק!
Leave a Reply